James 3
Wan Ho Nyitala
1– 2Omi azaje ye-yei, fye to gna ye, fya ze anya-wuyi num, gama yi zhin ya bwi aba nsayi mwa begye. Esa yi adini wuyi, n yi kpe ɓemanayi ye nyi, n ya zhin ɓenukwoyi eyi tata ɓei la du azaje nya. Nʼza mi wa wan wo nyitala, kwo wunu wo ɓa mi wa wan wo nayi shi vinya, n zokwo doho-dohoyi. 3Yi ɓami ya pmi doko awye, shiyi ncei pma ntu na luzami ɓo n yi dna n kwo gbe nyi. 4Eya busi nawyi kwo zhin kwa pmi eya awye lo, aba vinya n eyada n cei pma kwo lo, kwo esayi dnakala.5Nlonu nyitla zhin enya ɓiyinu, ama kwo wun anya ya n mwa, nakna ɓiyi zhin kwa kuci yakwo dnana. 6Nyitala zhin ena gwo-gwoi nu. Kwo nunuyi n na anya nukwoyi, kwa du nayi vinya n mui, anapinu ku kwo ena n kwohin, kwa zeyi awye-wyeyi ena gwo-gwoyi bwi-bwi nya n wahalayi.
7Aza ɓami ɓa kpa, kwo ɓa wu anyafanya n na luyi n na awyisala yi. 8Ama zanyikwoci ho to lon n wo ɓa mi wa wu nyitalan, kwo n shiri yi zhin kwa da ɓeda kasa. 9Nsahoi kwa ci eyi Dada n wo dna n ʼshe nyi, nsahoi kwa tu aza kni nna zhin ɓa dna n Shekwoyi dogbe nyi. 10Nlonu ɓeda nukwoyi n anabarkayi ɓai kun ngbe gmanyi. Omi azaje ye-yei kwo to bmiya lo lonun. 11Nuwan manayi n nuwan nukwoyi, zhin kwapi n obwo gmanyi? 12Ho ɓa ka zaitun n gbayi shinwan? Awo, ho ta bwa nuwan manayi n snakpegye nuwan.
13Ngye hoce-ceyi lo, zan-zan cewo n bmiya ntuge ɓe manayi zhin, n hohin tukwo-gbayi nu ɓa zhin akpe ge ho ce-cei lo. 14Dna n zokwo doho-dohoi to gna ge ho cei-cei lon, ndei ho gyi minagyi lo, hoi woshe, hoi ye hohin tukwom, deye kwo zhin akata nu. 15Gama shewo n hohin tukwoye yi, ɓa to zhin Shekwoyi ce-ce pya nun. Aɓeye pya zhin anyi nyanu n tna zafun, shetan nu ce aɓeye pya bwa. 16Gama aba n Shewo nyi, n tukwoye yi, aɓa bwa ɓenukwoyi doho-dohoi n ɓo.
17Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata. 18Aza n ɓa ga bugba-fu, ɓa ɓa bye nyabye bugbafu nya, ɓa do ɓemana.
Copyright information for
GbrGAW